четврток, 29 јуни 2017  |  Вести денес: 0

Сензација на стартот од Ролан Гарос елиминирана првата носителка Кербер

Најдобрата светска тенисерка Анџелика Кербер од Германија го заврши настапот на Грен слем турнирот Ролан Гарос откако во 1. коло денеска загуби од Русинката Екатерина Макарова со 2-0 во сетови (6:2 и 6:2). Ова е втора година по ред како Кербер е елиминирана во првото коло на Ролан Гарос.

Од воведните дуели кај жените за одбележување е победата на Петра Квитова од Чешка, која по нападот во нејзиниот стан од крајот на ланската година кога беше повредена го одигра првиот меч и постигна победа над Јулија Босеруп од САД со 2-0 (6:3 и 6:2), додека пласман во следното коло избори и шампионката од 2009 година од Ролан Гарос Светлана Кузнецова која со 2-0 (7:5 и 6:4) ја победи Американката Кристина Мек Хејл.

Денеска на програмата се мечеви од првото коло во двете конкуренции.

Извор:Курир

#Коментари