понеделник, 21 август 2017  |  Вести денес: 65

Нови соработници во Владата: До вчера земаа пари од тендери и СОРОС, од денес Заев ќе ги плаќа со парите од граѓаните

Мерсел Биљали, Исмет Рамадани и Митко Андреевски се ангажирани за нови надворешни соработници на премиерот Зоран Заев.

 

Како што потврдуваат од Владата за ТВ Нова, политичкиот аналитичар Исмет Рамадани кој е претседател на Евро-атлантскиот совет на Македонија е назначен за надворешен соработник на премиерот Заев за подготовка анализа и извештаи неопходни за остварување на стратешките приоритети и определби за членство во НАТО.

Професорот Мерсел Биљали пак е назначен за надворешен соработник за подготовка на анализи извештаи и мислења за унапредување на меѓуетничките односи. Тој беше советник за надворешна политика на премиерот Владо Бучковски и на претседателот Борис Трајковски.

Митко Андреевски пак кој е претседател на комисијата за енергетика во СДСМ е назначен за надворешен соработник за изработка на Анализа за информација со податоци и изготвување извештај на елаборат од областа на енергетиката. Тој како што информираат од Владата е ангажиран про боно или без никаков надоместок.

Андреевски е сопственик и на фирмата Си Ен Џи Системс која оперира со гасот во Општина Струмица, за која што ВМРО-ДПМНЕ обвини дека постои судир на интереси поради тоа што Заев како градоначалник набавувал гас од својот сопартиец.

Во меѓувреме се уште се актуелни кадровските решенија кои неделава ги објави Владата и предизвикуваат силни реакции на социјалните мрежи.

Најсилни се реакциите за именувањето на поетот Дарко Лешоски за претседател на УО на Струшки вечери на поезија. Коментарите се во линија дека не е дораснат и незаслужно седнува на ова место кое досега го раководеле авторитети во поезијата со големо искуство зад себе.

„Прв претседател на Струшките вечери беше Ацо Шопов, па Матеја Матевски, Анте Поповски, Гане Тодоровски, Јован Котески, Петре Бакевски, Симон Дракул, Благоја Иванов… Толку“

Ова, на својот ФБ профил го напиша македонскиот поет со меѓународна репутација, Ристо Лазаров, како реакција на именувањето на Лешоски за претседател на УО на Струшки вечери на поезија.

Освен за скромното творештво на младиот поет, кој стана познат по своите објави на социјалните мрежи, а во новата влада е ангажиран како советник за односи со јавност, на Лешоски му се забележува и за неговите претходни ставови со кои ја омаловажувал манифестацијата на чие чело застанува сега.

извор:курир

#Коментари