четврток, 21 септември 2017  |  Вести денес: 66

Хороскопот открива какви ќе бидете во вашата старост

Карактеристиките на родените во одреден хороскопски знак главно се одредени според положбата на ѕвездите при раѓањето, но постојат и некои промени во карактерот кои стануваат повеќе изразени со минувањето на годините. Особините кои се типични за некој астролошки знак во младоста, понекогаш може да се претворат во својата спротивност во текот на „старите денови“. Прочитајте какви ќе бидете во периодот од раната младост до старост.

Овен

Младиот Овен како дете е постојано во акција, полно со живот, љубопитно и секогаш подготвено на предизвици кои понекогаш се и доста опасни. Може нагло да влезе во брак или вечно да го избегнува. Овните по природа се индивидуалисти и секогаш на својот сопруг или сопруга ќе им подготвуваат различни изненадувања и возбудувања. Со нив животот е динамичен и никогаш досаден.

Во староста, исто така, ќе бидат многу активни, освен доколку не ги спречи некоја болест. Тешко дека може да водат мирен живот и ако им недостига активност или возбудување, може да се претворат во вистински давежи. Ако можат, до последниот момент од животот ќе се занимаваат со спорт.

Бик

Во младоста се големи шармери кои ја освојуваат околината. Ако растат во благосостојба, се многу среќни, но ако растат во сиромаштво, тој период ќе сакаат да го заборават како мачен. Бракот го скопуваат од љубов или материјални интереси. Парите им се важни како и саканата личност. Ќе избегнуваат брак со личност која има послаба материјална состојба. Сакаат да уживаат во животот.

Во староста ќе уживаат во своето животно богатство. Не сакаат да делат по секоја цена. Па доколку остарат во сиромаштија, можат да станат огорчени и незадоволни.

Близнаци

Во младоста се среќни и исполнети ако се во постојано движење и во контакт со поголемо друштво. Секогаш бараат прилика за да се истакнат и потврда од својата околина. Тие се вешти и успешни во комуницирањето и затоа секогаш им е важно општеството. Тешко е да ги запрете кога ќе започнат да зборуваат, бидејќи обично не ја затвораат устата.

На нивните партнери во секоја животна доба, од почетокот на врската треба да им биде јасно колку им е важен општествениот живот. Патувања и движење помеѓу луѓето е нешто што ги збогатува и ги прави среќни. Ако до себе имаат животен сопатник кој е со слична чувствителност како нив, никогаш нема да им биде досадно, туку староста ќе ја исполнат со разни активности и патувања. Доколку се случи да останат сами, нема да им биде потребно многу време за да ги обноват старите пријателства или да стекнат нови.

Рак

Младиот Рак е исклучително чувствителна и интровертна личност со која треба да бидете нежни и внимателни, но тоа не значи дека тој треба да биде под „стаклено ѕвоно“. Потребно е да го поттикнете да излезе од светот на соништата и да го прифати животот со сите радости и таги, како и сите останати. Кога конечно ќе донесат некоја одлука, цврсто чекорат со зацртаната цел.

Кога ќе основаат стабилен дом и семејство, ќе поминат пријатна старост исполнета со многубројни семејни собири. Ако останат сами, ќе станат тажни и меланхолични. Овие луѓе ги помнат сите, па често и живеат во минатото.

Лав

Младиот Лав е едноставно невозможен до моментот кога ќе стане центар на случувањата. Најголемата навреда за нив е игнорирањето. Треба постојано да ги потсетувате дека во животот не постои само потребата и желбата на поединецот. Влегувањето во брак мора да биде бомбастично. Гледаат и бракот да им донесе некаков статус. Сакаат сјај и раскош, а слава уште повеќе. Ако немаат публика, тие се несреќни.

И во староста се доста суетни. Важно им е да се чуло и да се знае за нив. Ако постигнале нешто, во состојба се со часови да зборуваат за своите постигнувања. Ако резултатите изостанале, се претвораат во личности кои се склони и да лажат за да се прикажат во најдобро светло. Кога ќе пристигнат дома и насамо го анализираат својот живот, гордоста нема да им дозволи да признаат ако не успеале.

Девица

Тие обично се „полирани“ деца кои внимаваат на своето однесување и изглед и секогаш настојуваат да бидат пристојни и добри. Нивните родители се среќни и горди на своите деца. Девиците секогаш сакаат однапред да дознаат што ќе се случува. Таков е случајот и во одлучувањето за заедничкиот живот со партнерот. Најпрво согледуваат каква е нивната заедничка иднина. Ретки се оние кои постојано наоѓаат причина за одложување на бракот.

Во подоцнежните години од животот Девиците сѐ повеќе бараат перфекција во организацијата на животот и работните обврски. Секоја ситница во нивниот живот треба да има точно одредено место. Доколку Девицата во својот живот пропуштила нешто важно, во текот на старите денови доста многу ќе преговара и ќе се мурти. Во спротивно, личностите родени во овој знак ќе проживуваат долга младост.

Вага

Во овој знак се родени големи шармери. Весели се и насмеани, дружељубиви и водат сметка за својот изглед. Најчесто се во центарот на вниманието во своето опкружување. Но, при донесување какви било одлуки, тие се многу неодлучни. Бракот им е нешто најважно, бидејќи тие на животот гледаат како на нешто што треба да се живее во пар. Љубовта и искреноста се нивни ритуали.

Во староста ќе бидат исполнети и среќни ако се заедно со својот партнер. Ако останат сами, ќе се чувствуваат осамено и ќе се обидуваат да ја пронајдат својата подобра половина.

Скорпија

Од најраните денови сакаат да провоцираат, да ги рушат табута и како емотивно незрели личности, да предизвикуваат расправии. Уште во најраното детство е потребно да ги насочувате и да ги набљудувате. Кога ќе се одлучат да запловат во брачните води, тоа го прават доста сериозно и промислено. Доследни се и не толерираат површност и мрзеливост. Сексот им е важен и се обидуваат да го развијат уште повеќе низ врската или бракот. Склони се кон авантури.

И во староста се активни, особено доколку се задоволни со постигнувањата во активната доба од животот. Отсекогаш имале склоности кон спортските активности, па и во оваа животна доба ќе бидат активни во таа сфера. Ако се сами ќе се посветат на проучувањето на сето она што е скриено, окултно, а особено ќе се занимаваат за темата смрт.

Стрелец

Стрелецот уште од дете е весел. Со нив нема големи грижи, сѐ тече изедначено и постепено и уживаат во ведрата страна од животот. Склони се кон слатките и дебелеењето, па затоа треба да водат сметка на таа тема. Кога стапуваат во брак тоа го прават спонтано и галантно. Умерени се и урамнотежени, па сите со задоволство ги прифаќаат. Смислата за хумор кај нив игра важна улога во животот и им помага да ги надвладеат тешкотиите.

Во староста со задоволство ќе ја пренесат својата мудрост и животните искуства. И тогаш нема да ја напуштат смислата за хумор и склоноста за позитивно гледање на животот.

Јарец

Личностите родени во овој знак во младоста се однесуваат посериозно за своите години, по малку крути и ладни. Зад сето тоа се крие чувствителност, ранливост, амбициозност. Затоа сѐ внимателно се подготвува, се организира, додека тие се однесуваат зрело и контролирано. Обично се во одбранбен став, а во училиште се паметни ученици. Во бракот стапуваат промислено. Влегуваат во заедница со срцето.

Дури во староста овие личности започнуваат да се опуштаат и да стануваат повесели со изразито позитивен став кон сѐ. За Јарците се вели: „Во младоста старец, во староста младич.“

Водолија

Во младоста се истакнуваат во својата околина по некој специфичен талент. Се истакнуваат и по секакви лудории и затоа е потребно да ги контрирате и правилно да ги насочувате. Понекогаш во брак стапуваат нагло и на сосема неконвенционален начин или пак, живеат како испосници одржувајќи некои испрекинати врски.

Во староста се препуштаат на своите желби и склоности за кои немале време да им се посветат во активниот дел од животот. За нив не е чудно дури и во своите 80-ти години да положат возачки испит, да учат или да се посветат на некоја спортска активност.

Риби

Во младоста се деца склони кон сонување кои повремено треба да се „спуштат на земја“. Честопати се успешни и признати во уметничките води. И во бракот се склони за идеализација на партнерот. Навистина уживаат во складен брак.

Во староста конечно се препуштаат на своите склоности и креативност или едноставно денгубат. Понекогаш тоа денгубење трае предолго и треба да го насочат вниманието во некоја корисна насока. Понекогаш од досада и самите смислуваат некои интриги.

Извор: Република.мк

#Коментари