Мегафон

Свечен концерт по повод денот на основањето на ФМУ – Скопје

Свечен концерт по повод денот на основањето на ФМУ – Скопје

Традиционалниот концерт, кој се одржува секоја година на 6 декември, е посветен на денот на основањето на факултетот. Оваа среда, студентите на Факултетот за музичка уметност – Скопје ќе приредат впечатлив настан со атрактивна програма составена од ремек-делата на класичниот музички репертоар. За првпат тие ќе настапат во големата сала на новата зграда на Македонската Филхармонија.

24067954_326754741066375_3633724641952132035_n

Симфонискиот оркестар и хорот „Драган Шуплевски“ под диригентската палка на проф. м-р Сашо Татарчевски ќе изведат значајни дела од великаните на музичката уметност: Увертирата за операта „Сицилијански вечери“ од Џузепе Верди, прочуената Симфонија бр. 8 „Недовршена“ од Франц Шуберт и брилијантните „Половецки танци“ од операта „Кнез Игор“ од Александар Бородин.

Почетокот на концертот е во 20 часот, а влезот е слободен.