Промотер

АЛЕКС КАВАЛ со фантастична инструментална преработка на „По друм одам“ (ВИДЕО)

АЛЕКС КАВАЛ со фантастична инструментална преработка на „По друм одам“ (ВИДЕО)

Сè повеќе млади уметници одлучуваат да им дадат нов живот на традиционалните македонски песни, а еден од нив е и талентираниот инструменталист Александар Петковски алијас Алекс Кавал. Тој деновиве го објави видеото за неговата одлична обработка на познатата „По друм одам“, која ја изведува на суптилен начин, а самата екранизација има малку поинаков, модерен пристап.

Аранжманот на новата верзија го направи Александар Котевски, на тапани гостува Димитар Наумовски, а миксот го направи Михајло Манојловски, додека мастерингот е на Александар Тасиќ во студиото „А“ во Србија.

Видеото, пак, кое е во режија на врвниот Кристијан Шемкоски и во реализација на продукцијата „Пирамид“, се снимаше на повеќе локации во Скопје, а главните улоги ги толкуваат Томи Здравковски и Моника Зарапчиева.

Како изгледа и звучи сето тоа можете да видите и слушнете во продолжение: